Memleket basshysy Qasym-Jomart Toqaevtyń qoldaýymen Abaı oblysynda jańadan qurylatyn aýdandar qatarynda Maqanshy eldi mekeni atalǵany belgili. Qazirgi kúnde quramyna 27 aýyldyq okrýgi enetin Úrjar aýdanyna qarasty Baqty aýyly osy Maqanshy aýmaǵynda ornalasqan. Maqanshynyń mańdaıy qashan jarqyraıtyny – óz aldyna bólek taqyryp. Al Baqty – kórshiles Qytaı eline tikeleı tumsyǵyn tirep jatqan jáne sonymen qatar kedendik baqylaý nysany ornalasqan úlken aýyl.
Jaqynda osy Baqty aýylyna jol tústi. Aýyl ákimi Almas Chýshekovtiń aıtýynsha, qazir munda Almaty, Semeı qalalarynan kóship kelip, kásibin dóńgelete bastaǵandar da bar. 650 shańyraqtaǵy 2 500 adamnyń barlyǵy da Maqanshynyń jeke aýdan bolatynyn estigeli beri bolashaqqa senimi kúsheıe túsken. Eń bastysy aýyldy jaryqtandyrýǵa jáne kóshelerin asfalttaýǵa basa kóńil bólinip otyr.
– Rasyn aıtý kerek, kezinde ártúrli sebeptermen aýyldan kóship ketkender qazir Baqty aýylyna qaıtadan qonys aýdaryp jatyr. Qytaı men Reseı arasynda taýar tasymalyn nyǵaıtýda mańyzy aıryqsha Baqty keden beketi de – osynda. Eki eldiń arasyndaǵy saýda-ekonomıkalyq baılanystardyń artqanynyń bir dálelin aýyl ústimen aǵylyp jatqan kólikterdiń jyl on eki aı boıy úzilmeıtininen kórýge bolady. Qazir Abaı oblysyn damytý josparyndaǵy «Aıagóz – Baqty» temirjolyn salý jumystarynyń qalaı júrgiziletini jóninde halyqqa túsindirý maqsatymen qoǵamdyq tyńdaý ótkizýge ázirlenip jatyrmyz. Iаǵnı temirjol tartylǵanda 500 adamnyń jumyspen qamtylatyny, stansalardyń qaı jerlerge salynatyny sııaqty mańyzdy ister jaıynan habarlar etpekpiz. Bıyl «Aýyl – el besigi» memlekettik baǵdarlamasy boıynsha, jaryqtandyrýǵa 25 mln kóshelerdi aǵymdaǵy jóndeý maqsatyna 116 mln 658 360 teńge qarajat bólinip, ıgerilip jatyr. Amanshylyq bolsa, qyrkúıek aıyna deıin bul jumystar aıaqtalady, – deıdi aýyl ákimi Almas Ahmetuly.
Aýyldy aralaı júrip baıqaǵanymyz, halyqtyń ıgiligine qajetti isterdiń barlyǵy da júıeli, ortaq tártippen júzege asyp jatyr. Aýyl shetindegi ıppodromǵa kórik berip turǵan «Baqty Arena» alystan kóz tartady. Kelgender damyldap, saıalaıtyn kıiz úı formasyndaǵy arnaıy oryndy 1983 jyly týǵan aýyl túlekteri tartý etipti. Jalpy, baqtylyqtardyń óz aýylyna qurmetpen qaraıtynynyń bir kórinisi osy bolsa kerek.
Bul kúnde «aýylda turyp kásip ashsam, halyqqa qajetti ispen aınalyssam» degen janǵa memleket tarapynan qarjylaı qoldaý bar ekenin qansha nasıhattasaq ta artyqtyq etpeıdi. О́tken jyldyń mamyr aıynda oılastyrǵan jobasyn sátti qorǵaı bilgen Elnaz Nurmuhametova qaıtarymsyz grant alyp, tátti taǵamdar taǵy da basqa as pisiretin shaǵyn dámhana ashypty.
– Negizi óz mamandyǵym boıynsha jumysym bar edi. Biraq múmkindigi shekteýli bala tárbıelep otyrǵan otbasylarǵa memleket tarapynan kómek beriletin arnaıy baǵdarlama baryn bildik. Esesine, onyń mańyzyn túsine bilgen adam óziniń jeke kásibin ashýyna bolady. Joldasym Ádilbek ekeýmiz oılasa kele osy maqsatymyzǵa qol jetkizdik. Iаǵnı Úrjar aýdandyq jumyspen qamtý ortalyǵy arqyly 1 mln 380 myń teńge kóleminde qaıtarymsyz grant alyp, nátıjesinde osyndaı halyq tutynatyn dámhana ashtyq. Alǵashynda torttardy úıde pisirip, tapsyrys oryndaıtynbyz. Baqty aýyly jol ústinde ornalasqanymen, negizinen jergilikti turǵyndarǵa qyzmet kórsetemiz. Qazir halyq jaqsy bilip qaldy. Aýyldastarymyz únemi kelip turady. Daıyndaǵan taǵamdarymyz erteńge qalyp kórgen emes. Kúndelikti jumys atqaramyz. Alǵashynda eki adam isteıtin edik, qazir ózimdi qosqanda bes adam istep otyrmyz. Bolashaqta buryn dúken bolǵan, óz qarjymyzǵa satyp alǵan osy ǵımaratty keńeıtýdi josparladyq. Basty aıtaıyn degenim, jas otbasylar bolsyn, qandaı analar bolsyn, kásip ashýdy qalasa, oǵan memleket tarapynan grant bólinetin qaıtarymsyz qarjylaı qoldaý bar. Tek bıznes jobańdy aýyl qajettiligimen baılanystyryp, sátti qorǵaı bilseń bolǵany, – deıdi Elnaz.
«Uqsata bilgen utady» degendeı, osylaısha memlekettik qoldaý qarajatyn el ıgiligine ustaı bilgen Ádilbek pen Elnaz keleshekte balalardyń oıyn alańyn ashýdy da josparlap otyr. «Jas kelse, iske» degen – osy. Aýyl halqyna adal qyzmet kórsetip, kásibin shırata bastaǵan jas otbasyǵa sáttilik tiledik.