Kásibinen násibin taýyp júrgen jandar úshin óz isiniń alǵa basýyn qamtamasyz etetin árbir múmkindik mańyzdy. Eger ishki naryqty qoıyp syrtqa shyǵatyndaı jaǵdaı qalyptassa, nege qýanbasqa?
Ulytaýlyq kásipkerler úshin kóp keshikpeı osyndaı múmkindikter qalyptasa bastamaq.
«QazTrade» saýda saıasatyn damytý ortalyǵy» AQ Bas dırektorynyń birinshi orynbasary Nurlan Qulbatyrov Ulytaý О́ńirlik kásipkerler palatasynda shaǵyn jáne orta bıznes ókilderimen kezdesip, olarmen halyqaralyq naryqqa enip, óz ónimderin eksportqa shyǵarý týraly pikir almasty.
«QazTrade» AQ kásipkerlerge jan-jaqty kómek kórsetýge ázir. Otandyq kásipkerler arasynda eksportqa degen qyzyǵýshylyq jyl saıyn artyp keledi. Biz shıkizattyq emes, daıyn ónimdi eksporttaý baǵytyn ustanamyz», dedi N.Qulbatyrov.
Sondaı-aq ol jańadan engizilip jatqan «Ready 4 Trade Ortalyq Azııa jobasy» týraly aıtyp berdi. Bul joba arqyly kásipker óz ónimderin Eýropa elderine barynsha tez ári jeńil jolmen jetkize alady eken.
Eksporttyń el ekonomıkasy úshin mańyzy zor ekeni aıtpasa da túsinikti. Endi bul rette de ulytaýlyq kásipkerlerdiń úlesi arta túsedi degen senim bar. Mundaı múmkindik taýarlar, jumystar men qyzmetter óndirisin yntalandyryp qana qoımaıdy, sonymen qatar ekonomıkanyń damý qarqynyn nyǵaıtady jáne jalpy ishki ónimniń ósýin jedeldetedi, saýda balansyn jáne halyqaralyq naryqtaǵy ulttyq valıýtanyń pozısııasyn nyǵaıtady.