Búgin, 14 tamyzda saǵat 05:38-de Úrjar aýylynyń 10-О́SB pýltine avtobýs pen jeńil kóliktiń soqtyǵysqany týraly habarlama kelip tústi, dep jazady Egemen.kz.
Jol apaty ornyna jetken qutqarýshylar men órt sóndirýshiler toby Toyota Land Cruiser kóligi men Semeı-Maqanshy baǵyty boıynsha júretin VAN Hool jolaýshylar avtobýsy betpe-bet soqtyǵysqanyn anyqtaǵan. Oqıǵa saldarynan eki kólik otqa orandy.
Jantúrshigerlik jol apatynan Toyota Land Cruiser kóliginde otyrǵan adam kóz jumdy. Al avtobýs júrgizýshisi men bir jolaýshy Úrjar aýdanynyń aýrýhanasyna jetkizildi.
Azamattyq qorǵaý qyzmetkerleri jetkenge deıin 27 jolaýshy ózdiginen evakýasııalanyp úlgergen.