Germanııanyń Dortmýnd qalasynda grek-rım kúresinen Gran-prı týrnıri aıaqtaldy. Bul jarysty el quramasy alty júldemen qorytyndylady.
60 kılo salmaq dárejesinde beldesken Aıdos Sultanǵalı altyn alsa, 55 kılo salmaqtaǵy Marlan Muqashev kúmispen kúpteldi. Al Meıirjan Shermahanbet (67 kılo), Ibragım Magomadov (72 kılo), Demeý Jadyraev (77 kılo) jáne Álimhan Syzdyqov (130 kılo) úzdik úshtikti túıindedi. Aıdos – 2018 jáne 2022 jyldary ótken álem chempıonattarynda qola medaldy moınynda jarqyratyp, 2021 jyly qurlyqtyń teńdessizi dep tanyldy. Demeý men Meıirjan – álem chempıonattarynyń qola júldegerleri. Álimhan byltyr Ulanbatyrda Azııa chempıony atansa, Ibragım bıyl Almatyda dál sondaı ataqqa qol jetkizdi. Marlan – birqatar halyqaralyq jarystardyń jeńimpazy.
Atlanta Olımpıadasynyń jeńimpazy, álemniń eki dúrkin chempıony Iýrıı Melnıchenko jattyqtyratyn Qazaqstannyń ulttyq quramasy Gran-prı týrnıriniń jalpy esebinde úshinshi oryndy ıelendi.