QR Premer-mınıstriniń orynbasary – Eńbek jáne halyqty áleýmettik qorǵaý mınıstri Tamara Dúısenovanyń tóraǵalyǵymen oqý prosesinde elektrondyq oqýlyqtardy paıdalaný jóninde keńes ótip, oǵan oqý-aǵartý, sıfrlyq damý, ınnovasııalar jáne aeroǵarysh ónerkásibi, ádilet vıse-mınıstrleri, sondaı-aq «Nazarbaev Zııatkerlik mektepteri» DBBU, Y.Altynsarın atyndaǵy Ulttyq bilim akademııasynyń, «Taldaý» AQ-nyń, mektep oqýlyqtaryn daıyndaıtyn jetekshi baspalardyń jáne IT-kompanııalardyń ókilderi qatysty, dep habarlaıdy Egemen.kz Úkimettiń baspassóz qyzmetine silteme jasap.
Oqý-aǵartý vıse-mınıstri A.Ilııasov mektepterdi elektrondyq oqýlyqtarmen qamtamasyz etý jónindegi ahýal jáne osy baǵytty odan ári damytý boıynsha josparlanǵan sharalar týraly baıandady. Baspalar men IT-kompanııalardyń ókilderi elektrondyq oqýlyqtar men bilim berý platformalary salasyndaǵy sońǵy ázirlemelerin usyndy.
Keńeske qatysýshylar elektrondyq resýrstardyń áleýetin jáne olardy bilim berý prosesin jetildirý úshin paıdalaný múmkindikterin talqylady. Bul rette pedagogtarǵa elektrondyq resýrstardy tańdaý quqyǵy berilýge tıis ekeni aıtyldy.
Keńesti qorytyndylaı kele, Tamara Dúısenova mektepterdi elektrondyq oqýlyqtarmen jáne sıfrlyq bilim berý resýrstarymen qamtamasyz etý tetikterin ázirleý, oqý materıaldaryn sıfrlyq formatqa kóshirý jáne olardy oqý prosesinde qoldaný jóninde birqatar tapsyrma berdi.