Densaýlyq saqtaý mınıstri Ajar Ǵınııat bastaǵan qazaqstandyq delegasııa О́zbekstannyń Samarqand qalasynda ótken Dúnıejúzilik Túrki medısınalyq kongresine jáne Túrki memleketteri uıymy elderiniń densaýlyq saqtaý mınıstrleriniń kezdesýine qatysty, dep habarlaıdy Egemen.kz atalǵan mınıstrliktiń baspasóz qyzmetine silteme jasap.
Is-shara barysynda mınıstrlikter basshylary Túrki memleketteri Uıymy Hatshylyǵynyń qoldaýymen densaýlyq saqtaý salasyndaǵy ózekti máselelerdi talqylady. «Medısına tarıhyna, ortaq muraǵa qurmet» týraly Samarqand deklarasııasyn qabyldady.
Deklarasııany qabyldaý elderge onkologııalyq kómekti, farmasııany, medısınalyq jáne farmasevtıkalyq kadrlardy daıarlaýdy jáne olardyń biliktiligin arttyrýdy, densaýlyq saqtaýdaǵy sıfrlandyrýdy jáne túrki memleketteriniń halqyna medısınalyq kómekti jetildirý boıynsha syndarly tásilderdi ázirleýge múmkindik beredi.
Forýmnyń sheńberinde TMU Bas hatshysy Q. О́miralıevpen, Ázerbaıjan, Túrkııa, О́zbekstan, Tatarstan Densaýlyq saqtaý mınıstrlerimen kezdesýler ótkizildi.
Forým qorytyndysy boıynsha Túrki álemi memleketteriniń ózara tıimdi áriptestigin nyǵaıtý týraly ýaǵdalastyqqa qol jetkizildi, sondaı-aq TMU memleketterinde qazaqstandyq medısına kúnderin ótkizýge qatysty Qazaqstannyń bastamashyl usynysy qoldaý tapty.
Sapar barysynda mınıstrlik basshysy «Samarkand England Eco-medical» jáne «Tashkent Pharma Park» Samarqand farmasevtıkalyq zaýytyna jáne basqa nysandarǵa bardy.
Is-shara barysynda A.Ǵınııat túrki memleketteriniń ókilderin 2023 jylǵy 22-27 qazanda Astana qalasynda josparlanǵan MSAK jónindegi jahandyq konferensııaǵa jáne DDU Eýropalyq óńirlik komıtetiniń 73-shi sessııasyna qatysýǵa shaqyrdy.