Tennısten Mysyrdyń Dakahlııa qalasynda uıymdastyrylǵan jasóspirimder arasyndaǵy eń bedeldi ITF Juniors J100 Dakahlia týrnıri óz máresine jetti, dep habarlaıdy Egemen.kz.
Atalǵan dodada óner kórsetken 15 jastaǵy daryndy tennısshimiz Ámir Omarhanov jarystyń bas júldesi úshin ótken saıysta reseılik Artem Bogomolovpen sheberlik baıqasyp, asa tartysty básekede 5:7, 6:1, 7:5 esebimen jeńiske jetti. Fınaldyq saıysqa deıin Ámir qarsylastaryna birde-bir set bermeı qapy qaldyrǵanyn aıta ketken jón.
Otandasymyz osy jeńisiniń arqasynda jasóspirimder arasyndaǵy ITF reıtınginde birden 66 saty joǵarylap, 198-orynǵa kóterilip aldy.
Sondaı-aq Qaraǵandy tennıs mektebiniń túlegi bul kúnderi Mysyrdaǵy taǵy bir úlken jarysqa qatysyp jatyr. Ol keshe Kaırdegi J 100 týrnıriniń alǵashqy aınalymyn sátti bastap, jergilikti tennısshiden 6:3, 6:2 esebimen basym tústi.