Maqsut Narikbayev University Halyqaralyq akademııalyq adaldyq ortalyǵynyń músheligine ótken Qazaqstandaǵy alǵashqy ýnıversıtet atandy, dep habarlaıdy Egemen.kz.
Bul qadam MNU-diń joǵary bilim berýdegi Akademııalyq adaldyq pen etıkanyń eń joǵary standarttaryn saqtaýǵa degen umtylysyn kórsetedi.
ICAI músheligi Maqsut Narikbayev University-ge álemdik arenada akademııalyq adaldyqty ilgeriletý maqsatymen ortaqtasatyn bilim berý mekemeleriniń jahandyq qaýymdastyǵymen yntymaqtasý úshin biregeı múmkindikter ashady. Bul múshelik ýnıversıtettiń akademııalyq ortadaǵy plagıatqa, alaıaqtyqqa jáne bilim berý salasynda jol berilmeıtin etıkalyq áreketterge qarsy kúrestegi sheshýshi ustanymyn aıǵaqtaıdy.
Maqsut Narikbayev University Ortalyqtyń barlyq resýrstaryna, sonyń ishinde materıaldarǵa, onlaın kýrstarǵa, ICAI uıymdastyratyn is-sharalar men konferensııalarǵa qatysý múmkindikterine, sondaı-aq Mac-Cabe Survey kómegimen stýdentter men oqytýshylarǵa saýalnama júrgizý múmkindigine qol jetkizetinin atap ótken jón.
Bul qadam MNU-diń akademııalyq standarttardy únemi jetildirýge jáne bilim berý salasyndaǵy adaldyqty saqtaýǵa degen umtylysyn rastaıdy.