Ishki ister mınıstrligi baspasóz qyzmetiniń málimetinshe Qaraǵandy oblysy aýmaǵynda kólik apaty bolyp, saldarynan 3 adam qaza tapty, dep habarlaıdy Egemen.kz.
Oqıǵa 27 tamyz kúni keshki saǵat 18:30 shamasynda «Qaraǵandy - Aıagóz – Buǵaz» tasjolynda bolǵan. Qarqaraly qalasynan 20 shaqyrym jerde Mercedes-Benz avtokóliginiń 35 jastaǵy júrgizýshisi, aldyn ala boljam boıynsha, kóliktiń basqarýyna ıe bola almaı qalyp, joldyń qarsy baǵytyna shyǵyp ketedi de, 45 jastaǵy azamattyń basqarýyndaǵy Toyota Land Cruiser 100 avtokóligine soqtyǵysqan.
Mercedes-Benz kóliginiń júrgizýshisi men eki jolaýshysy oqıǵa saldarynan kóz jumǵan. Al Toyota Land Cruiser 100-diń júrgizýshisi men eki jolaýshysy aýrýhanaǵa jetkizilgen.
Tıisti saraptamalar taǵaıyndalyp, tergeý áreketteri júrgizilip jatyr.