Bul týraly QR Oqý-aǵartý mınıstrliginiń baspasóz qyzmeti málimdedi, dep habarlaıdy Egemen.kz.
Jyl sońyna deıin 132 myń oqýshy ornyn paıdalanýǵa berý josparlanýda, onyń ishinde 55 myń oryn 1-qyrkúıekte ashylmaq.
«Memleket basshysynyń tapsyrmalaryn júzege asyrý aıasynda Oqý-aǵartý mınıstrligi ınfraqurylymdy damytý boıynsha jumys júrgizýde. Úsh aýysymdy, apatty mektepter máselesin sheshý úshin 132 myń oryndyq 154 mektepti paıdalanýǵa berý josparlanýda. Bilim berý ınfraqurylymyn qoldaý qorynyń arqasynda 1 qyrkúıekke deıin 25 myń oryndyq 13 mektep, sondaı-aq jergilikti bıýdjet jáne jeke ınvestısııalar esebinen 30 myń oryndyq taǵy 26 mektep ashylady», dedi QR Oqý-aǵartý mınıstrliginiń baspasóz hatshysy Mereke Nurmuhanova.
Al kelesi jyly «Jaıly mektep» jobasy aıasynda 461 myń oryndyq 217 mektep paıdalanýǵa berilmek.