Búgin qazaqstandyqtar Konstıtýsııa kúnin atap ótedi. Ata zań 1995 jyldyń 30 tamyzynda jalpyhalyqtyq referendým nátıjesinde qabyldandy, dep habarlaıdy Egemen.kz.
Qazaqstan Konstıtýsııasy – memlekettiń quqyqtyq negizin qalyptastyrýshy qujat. Ol 9 bólimnen, 98 baptan turady.
Táýelsiz Qazaqstannyń tuńǵysh Konstıtýsııasy 1993 jyly 28 qańtarda qabyldandy. 1993 jylǵy Konstıtýsııanyń negizinde elimiz parlamenttik respýblıka modelinde bolsa, 1995 jyly qabyldanǵan Konstıtýsııa negizinde prezıdenttik-parlamenttik bılikke kóshti. 1995 jyly qabyldanǵan Konstıtýsııaǵa ár jyldary birqatar ózgeris engizildi.
Konstıtýsııada belgilengen demokratııa qundylyqtary, azamattardyń quqyqtary men bostandyqtarynyń kepildikteri Qazaqstan Respýblıkasy damýynyń naqty strategııalyq baǵdaryn aıqyndaıdy. Ata zańymyz – qasterli Táýelsizdigimizdiń senimdi tiregi.