Memleket basshysy Qasym-Jomart Toqaev Qyrǵyzstannyń Táýelsizdik kúnine oraı quttyqtaý jedelhatyn joldady, dep habarlaıdy Egemen.kz Aqordanyń baspasóz qyzmetine silteme jasap.
Memleket basshysy Qasym-Jomart Toqaev Prezıdent Sadyr Japarov pen Qyrǵyzstan halqyn ulttyq merekesi – Táýelsizdik kúnimen quttyqtady.
«Qazirgi Qyrǵyzstannyń jetistikteri Qazaqstanda zor yqylaspen qabyldanady, sondaı-aq kópjaqty yntymaqtastyǵymyzdy dostyq, tatý kórshilik jáne ózara qoldaý rýhynda odan ári nyǵaıtýǵa basa nazar aýdarylady. Birlesken kúsh-jigerdiń arqasynda qazaq-qyrǵyz strategııalyq seriktestigi men odaqtastyǵy baýyrlas halyqtardyń ıgiligi úshin nyǵaıa beretinine senimdimin», dep jazylǵan jedelhatta.