Bilim kúni Kókshetaý qalasynyń «Qulager» shaǵyn aýdanynda 312 oqýshy ornyna arnalǵan jańa mektep ashyldy. Jańa oqý jylynda atalǵan jańa mektepte barlyǵy 538 oqýshy bilim alady, dep jazady Egemen.kz.
Saltanatty is-sharaǵa Kókshetaý qalasynyń ákimi Baýyrjan Ǵaısa, qalalyq máslıhattyń tóraǵasy Dastan Ákimov, pedagogıkalyq eńbek ardageri Kúlásh Temirbaeva, ata-analar qaýymdastyǵynyń ókili Sársenbaı Serdalın qatysyp, kókshetaýlyqtardy Bilim kúnimen jáne №9 mekteptiń ashylýymen quttyqtady. Sondaı-aq bilim berý mekemesine oblys ortalyǵy ákiminiń atynan dombyra tartý etildi.
45 pán kabıneti, sport zaly, ashanasy, medısınalyq kabıneti, shaǵyn ortalyǵy bar. Jalpy bilim beretin mekeme ishin aralaýǵa ekskýrsııa uıymdastyryldy.
Aıta ketsek, jalpy Aqmola oblysynda bilim kúni jańadan 5 mekteptiń saltanatty ashylýy ótti, al taǵy 8 bilim berý mekemesin jyl sońyna deıin paıdalanýǵa berý josparlanyp otyr.