Energetıka mınıstrliginiń baspasóz qyzmetiniń málimetinshe, atalǵan mınıstrliktiń atom jáne energetıkalyq qadaǵalaý-baqylaý komıtetiniń tóraǵasy Suńǵat Esimhanov Ekibastuz JEO-nyń aldaǵy jylytý maýsymyna daıyndyq barysyn tekserdi, dep habarlaıdy Egemen.kz.
− «Pavlodarenergo» AQ jáne «Ekibastuzteploenergo» JShS basshylyǵymen jylytý maýsymynyń ótýine daıyndyqtyń ózekti máseleleri, onyń ishinde jóndeý jumystaryn ýaqtyly, sapaly júrgizý táýekelderi, negizgi jabdyqtyń avarııalyq aıaldamalary jáne t.b. talqylandy, − delingen aqparatta.
Osy kúnderi Ekibastuz JEO «Ekibastuzteploenergo» JShS-de 7 qazandyq agregatqa kúrdeli jóndeý jáne 1 qazandyq agregatqa aǵymdaǵy jóndeý júrgizilip jatyr. 2023 jylǵy 1 naýryz ben 31 shilde aralyǵynda №7 qazandyq agregatyna kúrdeli jóndeý aıaqtalǵan.
Jylytý maýsymynyń basynda Ekibastuz qalasynda 2 energetıkalyq jáne 2 sý jylytý qazandyq agregaty jumys isteıdi, rezervte 2 qazandyq agregaty bolady. Qazan aıynyń 31-inde kestege sáıkes taǵy 4 qazandyq agregatynyń jóndeý jumystaryn aıaqtaý josparlanyp otyr.
2023-2024 jyldardaǵy jylytý maýsymyna daıyndyq boıynsha energetıkalyq kásiporyndarda jóndeý naýqanynyń ótýi qatań baqylaýda.