Ońtústik Koreıanyń Phenchhan qalasynda ústel tennısinen ótip jatqan Azııa chempıonatynda Qazaqstan komandasy shırek fınalǵa shyqty, dep habarlaıdy Egemen.kz Ulttyq olımpıadalyq komıtettiń baspasóz qyzmetine silteme jasap.
Azııa chempıonatynda Qazaqstan atynan barǵan Aıdos Kenjeǵulov, Alan Qurmanǵalıev, Kırıll Gerasımenko, Vladıslav Zaharov, Záýresh Aqasheva, Angelına Romanovskaıa, Anastasııa Lavrova, Sarvınoz Myrqadyrova synǵa túsedi.
Qyzdarymyz toptyq kezeńde Bangladesh tennısshilerin 3:0, Nepal komandasyn 3:0, О́zbekstan sportshylaryn da 3:0 esebin oısyrata utty. Jigitter de Azııa chempıonatyndaǵy tartysta tabandylyq tanytty. Nepal, Bangladesh, Qyrǵyzstan komandasyn 3:0 nátıjesimen utqan jigitter Taıland komandasyn da 3:2 nátıjesimen eńserip, shırek fınalǵa ótti.