Qostanaı oblysynyń polıseıleri quny 100 mıllıon teńgeden asatyn sıntetıkalyq esirtki partııasyn tárkiledi, dep habarlaıdy Egemen.kz vedomstvonyń baspasóz qyzmetine silteme jasap.
Qostanaı oblysy PD esirtki qylmysyna qarsy is-qımyl basqarmasynyń qyzmetkerleri «Qarasora – 2023» jedel aldyn alý sharasyn ótkizý barysynda eki kúdiktini qamaýǵa alǵan.
Qostanaı oblysy PD esirtki qylmysyna qarsy is-qımyl basqarmasynyń bastyǵy Nurjan Ahmetovtyń aıtýynsha, jedel-izdestirý sharalary barysynda jaldamaly páterde oblys ortalyǵynyń 21 jáne 22 jastaǵy eki turǵyny ustaldy. Páterdi tintý kezinde polısııa qyzmetkerleri tórt keliden astam A-PVP esirtkisin tárkiledi. Sonymen qatar elektrondy tarazylar, 240 shaǵyn-magnıtter, elektr taspasy, folga jáne esirtkini oraýǵa arnalǵan basqa da qurylǵylar tabyldy.
«Qara naryqta asa iri mólsherde alynǵan sıntetıkalyq esirtki partııasynyń quny shamamen 100 mln teńgeni quraıdy. Bul partııada – 15 myńnan astam doza bar. Kúdiktiler qamaýǵa alyndy. Polısııa QR QK-niń 297-baby 3-bóligi boıynsha (Esirtki quraldaryn, psıhotroptyq zattardy, olardyń analogtaryn ótkizý, jóneltý maqsatynda zańsyz daıyndaý, qaıta óńdeý, satyp alý, saqtaý, tasymaldaý) boıynsha sotqa deıingi tergep-tekserýdi bastady. Baptyń sanksııasy aıasynda qylmys jasaǵan adam 15 jylǵa deıin bas bostandyǵynan aıyrylyp, múlki tárkilenedi. Jyl basynan beri Qostanaı oblysy PD esirtki qylmysyna qarsy is-qımyl qyzmetkerleri zańsyz aınalymnan 328 keli túrli esirtki zattaryn tárkiledi», delingen Ishki ister mınıstrliginiń habarlamasynda.