Almaty oblysy ákiminiń ókimimen Sarabekov Erbolat Sarabekuly oblystyq dene shynyqtyrý jáne sport basqarmasy basshysynyń laýazymyna taǵaıyndaldy, dep habarlaıdy Egemen.kz atalǵan oblys ákimdiginiń baspasóz qyzmetine silteme jasap.
Erbolat Sarabekuly 1985 jyly týǵan, bilimi joǵary. 2008 jyly Qazaq ulttyq agrarlyq ýnıversıtetin «basqarý men aqparatty óńdeýdiń kompıýterlik júıeleri», 2013 jyly Almaty úzdiksiz bilim berý ýnıversıtetin «quqyqtaný» mamandyqtary boıynsha támamdaǵan.
Eńbek jolyn 2010 jyly Esik qalasy ákimi apparatynyń jetekshi mamany bolyp bastaǵan.
Ár jyldary Eńbekshiqazaq aýdanynyń bilim bóliminiń jetekshi mamany, atalǵan aýdannyń dene shynyqtyrý jáne sport bóliminiń jetekshi mamany, basshysy, sol aýdannyń ishki saıasat, mádenıet, tilderdi damytý jáne sport bóliminiń bas mamany, basshysy laýazymdarynda jumys istegen.
2023 jyldyń 20 aqpanynan bastap Almaty oblysy dene shynyqtyrý jáne sport basqarmasynyń olımpıadalyq sport túrleri jáne sporttyq rezervter bóliminiń basshysy laýazymynda bolǵan.