Memleket basshysy Qasym-Jomart Toqaev Prezıdent Lýıs Inasıý Lýla da Sılvany Brazılııanyń ulttyq merekesi – Táýelsizdik kúnimen quttyqtady, dep habarlaıdy Egemen.kz Aqordanyń baspasóz qyzmetine silteme jasap.
Prezıdent jedelhatynda Brazılııa Qazaqstannyń Ońtústik Amerıkadaǵy mańyzdy ári senimdi seriktesi ekenine nazar aýdaryp, dástúrli dostyq rýhyndaǵy yntymaqtastyqtyń aýqymy keńeıip kele jatqanyn atap ótti.
Qasym-Jomart Toqaev eki el arasyndaǵy ózara baılanystyń nyǵaıa túsetinine senim bildirip, Lýıs Inasıý Lýla da Sılvanyń asa jaýapty memlekettik qyzmetine tabys, barsha Brazılııa halqyna qut-bereke tiledi.