Prezıdent Qasym-Jomart Toqaev óz Joldaýynda bılik pen bızneske qatysty ótkir máselelerge toqtalyp, elimizdegi quqyq qorǵaý organdarynyń kásipkerlerdi qýdalaýyn toqtatý qajettigin málimdedi.
«Taǵy bir mańyzdy másele – kásipkerliktiń búgingi ahýaly. Bılik pen bıznestiń arasynda syndarly dıalog bolýy qajet. Qazirgi ótpeli kezeńde memlekettik organdardyń kemshilikke jol beretini, keıde asyra silteıtini jasyryn emes. Sondyqtan ekonomıkalyq sıpattaǵy keıbir zań buzý áreketterin qylmys sanatynan alyp tastaý jumysyn jalǵastyrý qajet», dedi Memleket basshysy.
Prezıdent Joldaýda atap aıtqan joǵarydaǵy jaǵdaı – nazardan tys qaldyrýǵa bolmaıtyn másele. Kásipkerlikke qoldaý kórsetý, salany retteımiz degen jeleýmen jasalatyn qysymdy azaıtý jáne básekelestikti damytý máselelerin muqııat talqylaý qajet.
Osy oraıda, el Prezıdenti jýyq arada elimizdiń bıznes ókilderimen arnaıy kezdesý ótkizetinin aıtty. Bul is-sharanyń shaǵyn jáne orta kásipkerlik salasyndaǵy keıbir túıtkildi máselelerdiń tez sheshimin tabýyna tıgizer paıdasy kóp bolady dep sanaımyn.
Álııa MUQAShEVA,
«Atameken» ulttyq kásipkerler palatasy óńirlik fılıalynyń bıznes-ombýdsmeni