Prezıdent Qasym-Jomart Toqaev Tájikstan Prezıdenti Emomalı Rahmondy jáne tájik halqyn ulttyq merekesi – Táýelsizdik kúnimen quttyqtady, dep habarlaıdy Egemen.kz Aqordanyń baspasóz qyzmetine silteme jasap.
– Qazaqstan men Tájikstan arasyndaǵy joǵary qarqynmen damyp kele jatqan yntymaqtastyq jańa mán-mazmunǵa ıe boldy jáne baılanystarymyz strategııalyq seriktestik pen odaqtastyq deńgeıine tolyq saı keledi, – dep jazylǵan jedelhatta.
Prezıdent birlesken kúsh-jigerdiń nátıjesinde Qazaqstan men Tájikstannyń kópjaqty qarym-qatynasy aldaǵy ýaqytta eki eldiń ıgiligi men múddesi úshin nyǵaıa beretinine senim bildirdi.
Sondaı-aq Qasym-Jomart Toqaev Emomalı Rahmonnyń jaýapty memlekettik qyzmetine tabys, al baýyrlas Tájikstan halqyna baq-bereke tiledi.