Elordada BUU-nyń Qazaqstandaǵy ókildigi elimizde tirkelgen dıplomatııalyq korpýstyń qatysýymen baspasóz jıynyn ótkizdi. Is-shara bıylǵy 18-19 qyrkúıekte Nıý-Iorktegi BUU Bas Assambleıasy sheńberinde ótetin 2023 Turaqty damý maqsattary (TDM) sammıtine oraılastyra uıymdastyryldy.
Ulttyq ekonomıka mınıstrligi men Ekonomıkalyq zertteýler ınstıtýtymen birlesip ótkizilgen jıynǵa turaqty damýǵa qatysty mańyzdy máseleler talqylandy. Is-shara barysynda jergilikti deńgeıde batyl ári serpindi qadamdardyń qajet ekeni aıtyldy.
Brıfıngte sóılegen sózinde BUU-nyń Qazaqstandaǵy Turaqty úılestirýshisi Mıkaela Frıberg-Storı elimizdiń ornyqty damýǵa únemi qoldaý kórsetip kele jatqanyna nazar aýdardy.
«Kelesi aptada Nıý-Iorkte sammıt ótedi. BUU Bas Assambleıasynyń jańa tóraǵasy jańadan senimdi júzege asyryp, yntymaqtastyqty damytý keregin aıtty. Qazaqstan mýltılateralızmge jáne ornyqty damýǵa únemi qoldaý kórsetip júr. Sonymen qatar BUU-nyń Jarǵysyn oryndaýǵa úles qosyp keledi», dedi M.Frıberg-Storı.
Spıker otyrysta elimizdiń damý maqsattary boıynsha jetken jetistikteri týraly sóz bolatynyn jetkizdi. Onyń aıtýynsha, 2015 jyly memleket basshylary turaqty damý baǵdarlamasyn qabyldaý úshin jınalǵan bolatyn. Qazir álem orta jolǵa jetti.
«Turaqty damý maqsattaryna jetý úshin 7,5 jylǵa jýyq ýaqyt qaldy. Bul sammıt osy maqsattarǵa jetýdi jyldamdatý úshin ótkizilgeli otyr. Biz Qazaqstannyń alǵa qoıǵan maqsattaryna barynsha qoldaý kórsetemiz. Birneshe mysal ketire keteıin. Máselen, ana óliminiń tómendegenin kórip otyrmyz. Biraq onymen qosa kedeılik sheginen tómen deńgeıde ómir súretin halyq bar», dedi BUU-nyń Qazaqstandaǵy Turaqty úılestirýshisi.
Ulttyq ekonomıka mınıstrligi Áleýmettik saıasat jáne memlekettik organdardy damytý departamentiniń dırektory Nurgúl Jannazarova ornyqty damý maqsattary kedeıshilikti joıýǵa baǵyttalǵanyna toqtaldy.
«Búgin BUU Bas Assambleıasynyń 78-sessııasy sheńberindegi Ornyqty damý maqsattary boıynsha sammıt qarsańynda jınalyp otyrmyz. Bul sammıt Ornyqty damý maqsattarynyń jedeldetilgen progresiniń jańa kezeńiniń bastalýyn belgileıdi. О́zderińiz biletindeı, ornyqty damý maqsattarynyń tarıhy 2015 jyldyń 25 qyrkúıeginen bastalady. Dál sol kezde BUU-nyń Nıý-Iorktegi shtab-páterinde álemdik kóshbasshylar 2030 jylǵa deıingi Turaqty damý kún tártibin qabyldady», dedi N.Jannazarova.
Baıandamashy atap ótkendeı, elimiz halyqaralyq qoǵamdastyqtyń qatysýshysy retinde 2030 jylǵa deıingi kezeńge ornyqty damý salasyndaǵy kún tártibinde qoıylǵan máselelerdi oryndaýǵa bel sheship kirisken.
«2030 jylǵa deıingi kezeńge arnalǵan turaqty kún tártibi kedeılikti joıýǵa, teńsizdikpen kúresýge, sondaı-aq klımattyq ózgerýine baılanysty máselelerdi sheshýge baǵyttalǵan 17 ornyqty damý maqsatynan turady. Biz halyqaralyq seriktesterimizdiń qoldaýyn joǵary baǵalaımyz. BUU-nyń qoldaýymen 2020-2021 jáne 2025 jyldarǵa arnalǵan ornyqty damý maqsatynda yntymaqtastyqtyń negizdemelik baǵdarlamasy iske asyrylyp jatyr. Qazaqstan ornyqty damý qaǵıdattaryn ulttyq baǵdarlamalar men strategııalarǵa ıntegrasııalaýdyń joǵary deńgeıiniń arqasynda ornyqty damý maqsattaryn iske asyrý úderisin jetkilikti, jaqsy bastapqy pozısııadan bastady», dedi N.Jannazarova.
Ekonomıkalyq zertteýler ınstıtýtynyń basqarma tóraǵasynyń orynbasary Ádil Qusmanov Qazaqstan Úkimeti shaǵyn jáne orta bıznesti qoldaýǵa arnalǵan jańa baǵdarlama ázirlep jatqanyn jetkizdi.
«Mıkro jáne shaǵyn bızneske óte az salyq salyp, al orta bızneske úlken salyq tóleseń, onda bıznes irilengisi kelmeıdi. Biz bıznestiń óskenin qalaımyz. Iаǵnı bul damýymyzdyń reformalar jáne qoldaý aıasyndaǵy ekinshi baǵyty dep aıtýǵa bolady. Al memlekettik satyp alý júıesine kelsek, onda da ilgerileý bar. Shaǵyn jáne orta bıznes úshin tipti orta kásiporyndardyń ishinde de áleýmettik turǵydan osal qyzmetkerler bolýy múmkin. Olarǵa da memlekettik satyp alý aıasynda belgili bir jeńildik beriledi», dedi Á.Qusmanov.
Onyń aıtýynsha, shaǵyn jáne orta bızneske qoldaý kórsetý maqsatynda Úkimet qazir jańa baǵdarlama daıyndap jatyr. Bul baǵdarlamanyń ereksheligi, beriletin sýbsıdııa jáne jeńildetilgen kredıt bıznestiń aýqymyna baılanysty bolmaq.
Bıylǵy Turaqty damý maqsattary sammıti 18-19 qyrkúıekte BUU Bas Assambleıasynyń Joǵary deńgeıdegi aptalyǵy aıasynda ótedi. Memleket jáne úkimet basshylary turaqty damýdyń 2030 jylǵa arnalǵan kún tártibin jáne Turaqty damý maqsatyn (TDM) iske asyrý barysyn qadaǵalap, atqarylǵan sharýalardy talqylamaq. Sammıttiń qorytyndysy boıynsha saıası deklarasııany qabyldaý josparlanǵan.
Turaqty damýdyń 2030 jylǵy kún tártibi – kedeılik, teńsizdik, klımattyń ózgerýi, qorshaǵan ortanyń degradasııasy sekildi álemdegi eń ózekti máselelerdi sheshýge arnalǵan jahandyq mindetteme. Qujat 2030 jylǵa qaraı álemdi ózgertýge arnalǵan Turaqty damýdyń 17 maqsatynan turady.