Almatyda jaıaý júrginshiler ótkelinde avtobýs júrgizýshisi eki adamdy qaǵyp ketti. Er adam oqıǵa ornynda kóz jumdy, al taǵy bireýi aýrýhanaǵa jatqyzyldy, dep habarlaıdy Egemen.kz.
Oqıǵa 9 qyrkúıek kúni, saǵat 9:05-te boldy. Qoǵamdyq kóliktiń júrgizýshisi Abaı dańǵylymen batys baǵytta, Saın kóshesinen batysqa qaraı kele jatyp, arnaıy jaıaý júrginshilerge arnalǵan ótkelde jol bóligin kesip ótip bara jatqan eki adamdy qaǵyp ketken. Oqıǵa sáti vıdeoǵa túsip qalǵan.
Saldarynan jaıaý júrginshilerdiń biri 1958 jyly týǵan er adam alǵan jaraqattarynan oqıǵa ornynda kóz jumdy. Taǵy bir jaıaý júrginshi, 1957 jyly týǵan áıel qalalyq aýrýhanalardyń birine jatqyzyldy.
«Bul derek Qylmystyq kodekstiń 345-babynyń 3-bóligi boıynsha sotqa deıingi tergep-tekserýdiń biryńǵaı tizilimine tirkelip, saraptama taǵaıyndaldy», dep habarlady Almaty polısııa departamentiniń baspasóz qyzmeti.