Májilis Tóraǵasy Erlan Qoshanov mektep oqýshylarynyń hıdjab kııýine qatysty pikir bildirdi, dep habarlaıdy Egemen.kz.
«Bul másele jóninde alýan túrli pikir aıtylyp, jazylyp jatyr, ony bárińiz bilesiz. Biz zaıyrly memlekette ómir súremiz, Konstıtýsııamyzda din bostandyǵy bar. О́ziniń dinı rásimin jasaımyn degen árbir adamdarǵa eshqandaı shekteý joq. Qazaqstan azamattary qaı dindi ustanyp, meshitke, shirkeýge basqa da dinı ortalyqtaryna baryp rásimderin ótkizýge quqyly.
Endi hıdjab máselesine kelsek, bilim oshaǵyn saıası ne dinı aǵymdardyń ordasyna aınaldyrmaýmyz kerek. Ol bilim ordasy, oqýshylar onda tek bilim alady. Sondyqtan oqýshylardy da, muǵalimderdi de basqa máselege alańdatpaǵanymyz durys. Mınıstrliktiń bekitken standarty boıynsha arnaıy mektep formasy bar. Sol standart saqtalýy tıis. Balalar ózderi kámelettik jasqa tolǵanda qandaı kıim kıetinine tańdaý jasaıdy», dedi Májilis spıkeri.