Bul týraly Aqordanyń baspasóz qyzmeti habarlady, dep jazady Egemen.kz.
«Birlesken jumystyń naqty baǵyttaryna qatysty ózimniń usynystarymdy ortaǵa salǵym keledi. Elderimiz arasyndaǵy saýda-sattyq qarqynyn dáıekti túrde ulǵaıtý qajet», dedi Qazaqstan Prezıdenti.
Memleket basshysy atalǵan salada aıtarlyqtaı nátıje bar ekeni baıqalatynyn, aımaq memleketteri arasyndaǵy ózara saýda turaqty túrde ósip kele jatqanyn, ózara taýar aınalymyn aldaǵy ýaqytta 15 mıllıard dollarǵa deıin jetkizý úshin mol múmkindik bar ekendigin atap ótti.
Qasym-Jomart Kemelulynyń aıtýynsha, Qazaqstan óńirdegi elderge óz eksportyn 175 shıkizattyq emes taýar túri boıynsha ulǵaıta alady.
«Elderimizdiń isker toptary saýda aınalymyn keńeıtetin negizgi jetekshi kúsh bolýǵa tıis dep sanaımyn. Sondyqtan, meniń oıymsha, olarǵa qolaıly orta qalyptastyrý jumysyna basa mán berý kerek. Kásiporyndar arasynda tikeleı baılanys ornatý úshin taýar óndirýshilerdiń biryńǵaı elektrondy bazasyn qurýdy usynamyz. Mysaly, ony Central Asia Gateway portaly aıasynda iske asyrýǵa bolady», dedi Prezıdent.