«Uly dala joryǵy» marafon-báıgesiniń toǵyzynshy kezeńin qorytyndylaǵan shabandozdar 850 shaqyrym joldy óndirdi. Alda áli 450 shaqyrym bar, dep habarlaıdy Egemen.kz Joryq at sporty federasııasyna silteme jasap.
Toǵyzynshy kezeńde Almaty oblysynyń komandasy kósh bastap, máre syzyǵyn alǵashqy bolyp qısa, Qostanaı oblysynyń jigitteri ekinshi, Jetisý oblysynyń shabandozdary úshinshi jetti.
Jalpy toǵyz kezeńniń ýaqyt qorytyndysynda byltyrǵy «Uly dala joryǵynyń» jeńimpaz komandasy - Mańǵystaý oblysynyń jigitteri alda keledi.
Toǵyzynshy kezeńde Jambyl oblysynyń komandasy jarysty aıaqtaýǵa májbúr boldy. Úsh shabandozdyń biri atynyń aıaǵyn aqsatyp alǵandyqtan dárigerler báıgeni jalǵastyrýǵa ruqsat etpedi.