Aqtóbede joǵalǵan stýdenttiń denesi kópirdiń astynan tabyldy, dep habarlaıdy Egemen.kz.
19 jastaǵy jigit Aqtóbedegi Q.Jubanov atyndaǵy Aqtóbe óńirlik ýnıversıtetinde oqyǵan.
Aqtóbe qalasynda 2004 jyly týǵan jigitke izdeý jarııalanyp, eriktiler habarlama taratty.
Aqtóbe oblystyq polısııa departamentiniń habarlaýynsha, osy jyldyń 14 qyrkúıeginde saǵat 19:30-da Zarechnyı aýylynyń qasyndaǵy kópirdiń astynan «Iýrta» meıramhanasynyń janynan 19 jastaǵy jigittiń máıiti tabyldy.
Qazir Qylmystyq kodekstiń «О́zin-ózi óltirýge deıin jetkizý» baby boıynsha sotqa deıingi tergeý bastaldy. Polıseıler saraptama taǵaıyndap, sebebin anyqtap jatyr.