«Astana» halyqaralyq qarjy ortalyǵynyń basqarýshysy Renat Bekturov Memleket basshysy Qasym-Jomart Toqaevtyń Wabtec jáne Citigroup kompanııalarynyń jetekshilerimen ótkizgen kezdesýiniń nátıjesi týraly aıtty, dep habarlaıdy Egemen.kz Aqordanyń baspasóz qyzmetine silteme jasap.
«Búgin Nıý-Iork qalasynda eki kezdesý ótkizdik. Bizdiń elimizde Wabtec kompanııasy 20 jylǵa jýyq jumys isteıdi. Astana qalasynda bir myńǵa jýyq jumysshy kúshi bar. Bul kompanııa amerıkandyq lokomotıv óndirýshi bolyp sanalady. Búgingi jańa kelisimshart bul jańa kezeńniń bastaýy deýge bolady. Citiban-tiń qarjylandyrýy arqyly Wabtec kompanııasy elimizde 240 jańa lokomotıv qurastyrmaq. Bul Memleket basshysynyń tapsyrmasyna saı ortaq dálizdi damytýǵa orasan septigin tıgizbek. Bul mámile 900 mıllıon AQSh dollaryn quraıdy. QTJ-nyń 15 paıyzǵa jýyq lokomıtıvterin jańalaýǵa múmkindik ashyp otyr», dedi R.Bekturov.