Astana PD ákimshilik polısııa basqarmasynyń kelisimi boıynsha jol qozǵalysy qaýipsizdigin qamtamasyz etý maqsatynda R.Qoshqarbaev dańǵyly men S.Nurmaǵambetov kóshesiniń sol jaǵyna ortasha jóndeý jumysy júrgiziledi, dep habarlaıdy Egemen.kz.
Qala ákimdiginiń resmı saıty qulaǵdar etkendeı, 19-20 qyrkúıek kúnderi R.Qoshqarbaev dańǵylynyń Táýelsizdik dańǵylynan Baýyrjan Momyshuly dańǵylyna deıingi ýchaskesinde jóndeý jumysynyń júrgizilýine baılanysty kólik qozǵalysy ishinara jabylady. Qozǵalys eki baǵytta da oń jaqta júzege asyrylady.
Oǵan qosa, 19-25 qyrkúıek aralyǵynda S.Nurmaǵambetov kóshesiniń R.Qoshqarbaev dańǵylynan A.Baıtursynuly kóshesine deıingi ýchaskesinde kólik qozǵalysy ishinara jabyldy.
«Qala turǵyndary men qonaqtary qala joldarynda kepteliske tap bolmaý úshin qozǵalys baǵytyn aldyn ala josparlaýy qajet», delingen ákimdik habarlamasynda.