Aqmola oblysynyń polıseıleri quramynda altyny bar materıaldy qaıta óńdep shyǵaratyn jasyryn sehtyń kózin joıdy, dep habarlaıdy Egemen.kz vedomstvonyń baspasóz qyzmetine silteme jasap.
«Aqmola oblysynda 50 jastaǵy aýyl turǵyny zańsyz óndiristi júrgizgen. Polısııa qyzmetkerleri usaqtaý apparaty men basqa da jabdyqtardy aqmolalyqtyń turǵylyqty jerinen tapty. Bul faktini quqyq qorǵaý organdary QR QK 295-1-baby 1-bóligi boıynsha sotqa deıingi tergep-tekserýlerdiń biryńǵaı tiziliminde tirkedi. Qazirgi ýaqytta tergeý sharalary júrip jatyr», delingen habarlamada.