Eńbek naryǵynyń keleshegi

Prezıdent Qasym-Jomart Toqaev Joldaýda eńbek na­ryǵyndaǵy ózgeristerge qaraı sıfrly ekonomıka­­nyń róli arta túsetinin aıt­ty. Shynynda da, platforma­lyq jumyspen qamtý júıesine qyzyǵatyndar kóp. Prezı­dent osy sektorda qazirdiń ózinde jar­ty mıllıonnan asa adam jumys isteıtinin atap ótti. Biraq munda da máse­le bar. Osy sektorda eń­bek etetin azamattardyń eń­bek quqyqtary tolyq qor­ǵal­maǵan. Endi osy sanat­taǵy azamattardyń eńbek qu­qyq­taryn qorǵaýdyń naq­ty tásilderi paıda bolyp, plat­formalyq jumyspen qamtý máselesi birshama rette­le­di dep úmittenemiz. Eńbek na­ryǵynda jumysshy maman­dar­dyń kókeıinde júrgen taǵy bir másele – eńbek daýy. Eńbek daýy ón­di­riste oqystan jaraqat al­ǵan jumysshy men óndiris bas­shylyǵy arasynda da jıi týyndaıdy. Bul rette Prezıdent eńbek tu­jy­rymdamasynyń naqty qashan qabyldanatynyn habarlady.

«Úkimet 2030 jylǵa de­ıingi qaýipsiz eńbek tujy­rym­damasyn osy jyldyń sońyna deıin qabyldaýǵa tıis. Bul qujat jumys ornyndaǵy kásibı syn-qaterlerdiń aldyn alýǵa jáne joıýǵa baǵyt­talýy kerek.

Meniń tapsyrmammen Úkimet zııandy eńbek jaǵda­ıyn­da uzaq ýaqyt jumys is­tep júrgen adamdardy áleý­met­tik qoldaý tetikterin ázir­ledi. Bul burynnan talqy­lanyp júrgen másele bolatyn, endi sheshimi tabyldy. Onyń mynadaı ólshemderi bar. Jumysshylardyń osy salany damytýǵa sińirgen eńbegi jáne densaýlyǵyna zııan kelgeni eskerile otyryp, olarǵa zeınet jasyna tolǵanǵa deıin, atap aıtqanda, 55 jastan bastap arnaýly áleýmettik tólem tólenedi. Parlamentten Úkimettiń usy­nystaryn jedel qaraýdy suraımyn. Azamattar osy másele sheshimin tabady dep kútip otyr», dedi Memleket basshysy.

Eńbek naryǵyna qatysty Prezıdent aıtqan máseleler ret­­telse, bul – jumysshy már­­te­besiniń bıikteýine oń áser etedi. Sóıtip, otanshyl, bilim­paz, eńbekqor, tártipti, adal, ádil, únemshil, janashyr urpaq qalyptastyrýǵa da bel­gi­li bir deńgeıde áser ete­di. Taǵy bir jaǵymdy jańa­lyq­ty tilge tıek etsek, keler jy­­ly qańtardan bastap eń tó­mengi jalaqy mólsheri 85 myń teńgege kóteriledi. Bul – aza­mat­tardyń tabysy artady degen sóz. Eńbekaqynyń eń tómengi mólsheri úsh jyl ishinde eki ese kóbeıgenin eskersek, sátti qadam 1 mıllıon 800 myń adamnyń, onyń ishinde bıýdjet sala­syn­da eńbek etetin 350 myń azamat­tyń ál-aýqatyn art­tyrýǵa septigin tıgizedi eken.

Prezıdent eńbek naryǵyn jan-jaqty damytý úshin Úkimettiń qysqa merzimde 2030 jylǵa deıingi keshendi jospar bekitýi keregin aıtty. Sol josparǵa eńbek naryǵyn retteýge qatysty birqatar jańashyldyq enedi dep úmittenemiz.

Baqyt Álmuratov,

áleýmettanýshy