5 jyl ishinde jalpy aýdany 610 myń gektar ormanda 3 myń orman órti oryn alyp, 30 mlrd teńgege jýyq shyǵyn keltirildi. Bul týraly Bas prokýror Berik Asylov aıtty, dep habarlaıdy Egemen.kz.
Berik Asylov bul máseleniń mańyzdylyǵyn atap ótti.
«Qazaqstanda búkil aýmaqtyń 4,7 paıyzy ǵana orman alqaptarymen qamtylǵan. Tabıǵı ósimniń tómendigi aıasynda órtter men baqylaýsyz aǵash kesý onyń odan ári qysqarýyna ákeledi», dep atap ótti Bas prokýror.
5 jyl ishinde jalpy aýdany 610 myń gektar ormanda 3 myń orman órti bolyp, 30 mlrd teńgege jýyq shyǵyn keltirildi.
Barlyǵy jyl saıyn 600-den astam jaǵdaı tirkeledi.
Otyrys barysynda Abaı jáne Qostanaı oblystarynda bolǵan iri órtterdi tekserý jáne tergeý barysynda prokýrorlar anyqtaǵan birqatar túıindi problemalar aıtyldy.
Olardyń qatarynda órtti sóndirýdiń naqty algorıtmderiniń, Ekologııa jáne Tótenshe jaǵdaılar mınıstrlikteriniń bólimsheleri arasyndaǵy tıisti ózara is-qımyldyń, órtti erte anyqtaý júıeleriniń bolmaýy, tehnıkanyń tozyǵy jetken jaı-kúıi, ormanshylardyń órtti jedel sóndirýge daıyndyǵynyń bolmaýy jáne basqa problemalar bar.
Osyǵan baılanysty tótenshe jaǵdaılarǵa ákep soqqan sebepter men jaǵdaılardy joıý maqsatynda Bas prokýratýra Úkimetke usynys engizdi.
Ormandy zańsyz kesýge qarsy kúres, sondaı-aq orman mekemeleriniń ony molaıtý, onyń ishinde Astananyń «jasyl beldeýin» keńeıtý jónindegi is-sharalardy sapasyz júrgizýi máselelerine erekshe nazar aýdaryldy.
Bas prokýror sondaı-aq osy saladaǵy ákimshilik jáne qylmystyq quqyq buzýshylyqtardyń anyqtalýynyń tómendegenin atap ótip, orman aǵashtaryn urlaýdyń zańsyz shemalarynyń jolyn kesý jónindegi jumystyń tıimdiligin arttyrý qajettigin atap ótti.
Jergilikti jerlerdegi prokýrorlarǵa vedomstvolardyń jumysyn úılestirý jáne osy sanattaǵy qylmystyq ister boıynsha sapaly qadaǵalaýdy qamtamasyz etý tapsyryldy.
Talqylaý qorytyndysy boıynsha ýákiletti organdar úshin birqatar usynymdar ázirlendi.
Atap aıtqanda, Ekologııa jáne tabıǵı resýrstar mınıstrligine órtti sóndirý algorıtmderi men jaraqtandyrý normatıvterin reglamentteıtin normatıvtik aktilerdi qabyldaý, tehnıka satyp alý úshin qarajat izdeý, ormanshylardyń eńbegine aqy tóleýdi arttyrý jáne áleýmettik qorǵaý máselelerin pysyqtaý usynyldy.
Anyqtalǵan kemshilikterdi júıeli sheshý úshin 2024-2027 jyldarǵa arnalǵan birlesken is-sharalar jospary ázirlendi.