Batys Qazaqstan oblysynda egin oraǵy 91,2 paıyz aıaqtaldy. О́ńirde barlyǵy 421,6 myń ga alqaptyń 384,6 myń gektary orylyp, dáni qambaǵa quıyldy.
Batys Qazaqstan aýyl sharýashylyǵy basqarmasy basshysynyń orynbasary Denıs Omashevtyń aıtýynsha, dándi daqyl túgelge jýyq jınalǵan. Eginniń shyǵymdylyǵy oblys boıynsha orta eseppen gektaryna 10 sentnerden keldi. Al ejelden dıqanshylyǵy basym Báıterek aýdanynda 11,7 sentnerden jınalypty. Osylaısha, oblys bıyl dándi daqyldan 300 myń tonnaǵa jýyq ónim aldy.
Keıingi jyldary óńir dıqandary maıly daqyl ósirýge de mamandanyp alǵan edi. 112,15 ga alqaptaǵy bul ónimniń 80 paıyzy jınalǵan, onyń shyǵymy gektaryna 6,4 sentnerden aınalǵan.
Jaıyq boıyn jaılaǵan jurt 9,6 myń ga jerge kartop pen baqsha daqyldaryn ekken edi. Onyń da 65 paıyzy jınalyp qaldy.
Bıyl 6,24 myń ga alqaptyń egini múldem paıdasyz dep esepten shyǵaryldy. Onyń 1,3 myń gektary qystan shyǵa almaǵan kúzdik egin bolsa, qalǵan shyǵynǵa óńirde tym kóbeıip ketken kıiktiń de úlesi bar.
Bıyl Batys Qazaqstanda, ásirese ońtústik aýdandarda shóp shyǵymy nashar. Onyń ústine joǵaryda aıtylǵan Oral óńirinde kıikterdiń tym kóbeıýi sharýalardyń qystyq mal azyǵyn jınaýyna kedergi keltirip tur. Oblys boıynsha 2 qazanǵa deıin óńirde 4 156,0 myń ga jerdiń shóbi shabylyp, odan nebári 1 708,9 tonna ónim alynypty. Bul qajetti jospardyń 80 paıyzyn ǵana qamtıdy. Shóptiń shyǵymdylyǵy byltyrǵymen salystyrǵanda edáýir tómen. Qazir óńirde bir baý shóptiń baǵasy 3-8,5 myń teńge aralyǵynda qubylyp tur. Eń qymbat shóp Bókeı ordasy, Jańaqala aýdandarynda onyń quny 8000-8500 teńgege deıin kóterilgen eken.