«QTJ-Júk tasymaly» JShS-niń fılıaldarynda qarjylandyrýǵa jatpaıtyn 742 adamǵa 10 mln teńgeden astam somaǵa syıaqylar men tólemderdi zańsyz esepteý faktileri anyqtaldy. Bul týraly Bas prokýratýranyń baspasóz qyzmeti habarlady, dep jazady Egemen.kz.
Bas prokýratýranyń resmı ókili Darhan Dúısembaıdyń aıtýynsha, kásiporynnyń Aqmola fılıaly ómirden jeti jyl buryn ótken zeınetkerdiń atyna aqshalaı qarajat aýdaryp otyrǵan. Budan bólek, Qaraǵandyda kadr bóliminiń basshysy ata-anasyn temirjolshy zeınetkeri retinde zańsyz tizimge qosyp, olarǵa bes jyl boıy 1 mln teńgeden astam somaǵa jeńildikter, ótemaqy tólemderi men syıaqylardy berip otyrǵan.
Qazir zańsyz tólemderdi qaıtarý boıynsha shara qabyldanyp jatyr. Sonymen qatar aýdıtorlyq tekserýler taǵaıyndalyp, sotqa deıingi tergep-tekserý bastaldy.