Jyl basynan beri Qyzylordada qyzmettik ıtterdiń kómegimen 46 qylmystyń beti ashyldy.
1 maýsym – 30 qazan aralyǵynda respýblıka kóleminde ótetin «Qarasora-2023» jedel aldyn alý is-sharasy aıasynda Qyzylorda qalasyna jáne basqa oblystarmen shekaralas Aral jáne Jańaqorǵan aýdandaryna beketter qoıylyp, esirtki zatyn anyqtaý maqsatynda jumystar atqarylyp keledi. Bul beketterde kınolog mamandar ózderine bekitilgen ıttermen esirtkiniń zańsyz aınalymyna qatysty qylmystyq quqyq buzýshylyqtardy anyqtaıdy. Búginge deıin esirtki izdeýge qyzmettik úıretilgen ıtter kómegimen 22 qylmys anyqtalyp, aınalymnan 26 keli 458,34 gramm marıhýana tárkilendi.
О́tken aıda «Shymkent – Samara» tasjolynyń boıyndaǵy Aral beketinde Atyraý oblysy turǵynynyń basqarýyndaǵy «Toıota-Ipsýn» avtokóligi toqtatylyp, tekserý barysynda kólik ishindegi jolaýshylardyń sómkesinen 25 keli 187,41 gramm keptirilmegen marıhýana shyqqan. Sonymen qatar 27 qyrkúıekte «Qyzylorda – Túrkistan» tasjolynyń boıyndaǵy Belkól beketinde Qyzylorda qalasy turǵynynyń basqarýyndaǵy «Shevrolet kobalt» avtokóligin tekserý barysynda sómkeden saraptama qorytyndysyna sáıkes salmaǵy 1033,45 gramm bolatyn esirtki tabyldy.
Atalǵan derekter boıynsha sotqa deıingi tergep-tekserý áreketteri júrgizilip jatyr. Jalpy, jyl basynan beri qyzmettik izdestirý ıtteri arqyly 46 qylmys ashylyp otyr. Olar negizinen urlyq pen esirtkiniń zańsyz aınalymyna qatysty qylmystar.
Qyzylorda oblysy