Abaı oblysynyń ortalyǵy Semeı qalasynan bastap, aýdandarǵa qatty otyn negizinen júk poıyzy men júk kólikteri arqyly «Qarajyra» kómir kenishinen tasymaldanady.
Qalalyq ákimdik taratqan málimetke súıensek, qazirgi kúnde Semeıde kómir tonnasy kóterme baǵamen 2 núkte boıynsha satylady. 28 500 tonna kómir jetkizilgen qalanyń kireberisindegi «Jiger» JShS núktesinde 1 tonna kómirdiń quny – 12 700 teńge bolsa, «72 kvartal» aýmaǵyndaǵy baǵa 12 500 teńgeden bosatylady. Onyń ústine kólik tasymaly qyzmetine 2 000 teńge qosylady. Qala bıligi, sondaı-aq jekelegen aýlalarda JK qujaty bolǵan jaǵdaıda ǵana kómir satýǵa ruqsat berilgenin aıtady.
Alaıda jalpy oblys boıynsha kómir baǵasy aýdandardyń ornalasý erekshelikterine qaraı qymbattaı túsetinin jasyrýǵa bolmas. Aıagóz, Úrjar, Aqsýat aýdandaryna tasymaldaný qyzmetin qosa alǵanda tonnasy 18 myń teńgeden 28 myń teńgege deıin sharyqtap tur. Aıagóz qalasyndaǵy kómirdiń kóterme baǵasy 14 800 teńge shamasynda bolǵanymen, basqa aýdandarǵa júk kólikteriniń ıeleri tonnasyn eki ese baǵasyna ótkizip júr.