Memleket basshysy qazaq boksshysyn aıtýly jeńisimen quttyqtady. Bul týraly Aqordanyń baspasóz qyzmeti resmı telegram arnasynda jazdy, dep habarlaıdy Egemen.kz.
Prezıdent Qasym-Jomart Toqaev qazaqtyń kásibı boksshysy Jánibek Álimhanulyn WBO jáne IBF tujyrymdarynan álem chempıony ataǵy úshin germanııalyq Vınchenso Gýalterımen ótken jekpe-jektegi jarqyn jeńisimen quttyqtady.
«Jánibek qazaq boks mektebiniń joǵary deńgeıi men myqtylyǵyn álemge taǵy da pash etti. Bul jeńis bokspen aınalysatyn jastardy bıik belesterdi baǵyndyrýǵa yntalandyrady. Sizge zor densaýlyq, baq-bereke tileımin. Jeńisten jeńiske jete berińiz!», dep jazdy Memleket basshysy Twitter paraqshasynda.