Jumys sapary barysynda Qorǵanys mınıstriniń tyl jáne áskerı ınfraqurylym jónindegi orynbasary general-leıtenant Muhamedjan Talasov ákimdermen kezdesip, áskerı bólimder men mekemelerdiń jylý berý maýsymyna daıyndyǵyn tekserdi.
О́ńirlerde Shyǵys Qazaqstan oblysynyń ákimi Ermek Kósherbaevpen, Aqtóbe oblysynyń ákimi Ashat Shaharovpen, Semeı qalasynyń ákimi Nurbol Nursaǵatovpen, Alakól aýdanynyń ákimi Almas Abdınovpen kezdesýler ótti. Áskerı qalashyqtardy abattandyrý, jergilikti atqarýshy organdardyń balansyndaǵy turǵyn úılerdi jóndeý, ınjenerlik jeliler, Jem qalasyndaǵy eki turǵyn úıdi Qorǵanys mınıstrliginiń qaramaǵyna berý, jergilikti qordan áskerı gospıtaldar men lazaretterge nysandar bólý máseleleri talqylandy.
Kelissózderdiń nátıjesi boıynsha atqarýshy bılik organdarynyń basshylary áskerı qyzmetshiler turaqty ornalasqan jerlerde áleýmettik-mádenı, kommýnaldyq-turmystyq jaǵdaılardy jaqsartýǵa baǵyttalǵan máseleler keshenin sheshýge járdemdesýge daıyn ekendikterin jetkizdi.
Úsharal, Aıagóz, О́skemen, Abaı, Aqtóbe, Aqtaý, Atyraý garnızondaryn aralaý barysynda mınıstrdiń orynbasary general-leıtenant Muhamedjan Talasov basqarǵan komıssııa ınfraqurylymnyń qysqy kezeńge daıyndyǵyn, aǵymdaǵy jáne kúrdeli jóndeýlerdi, modýldik ǵımarattardy salý jónindegi jumystardyń oryndalý merzimderiniń sapasy men saqtalýyn tekserdi. Medısınalyq kómek kórsetýge, áskerı qyzmetshilerdi emdeýge jáne olardy qyzmetke qaıtarýǵa jaýapty medısınalyq mekemelerdiń qyzmetin uıymdastyrý boıynsha birqatar nusqaýlar berildi.
Merzimdi qyzmettegi sarbazdardy zattaı múlikpen qamtamasyz etýge, turǵyn úı-turmystyq jaǵdaılardyń jaı-kúıine, jeke quramdy tamaqtandyrýdy uıymdastyrýǵa baılanysty máseleler zerdelendi.
QR Qarýly kúshterin qurý jáne damytý tujyrymdamasyna sáıkes salynyp jatqan ınjenerlik oq-dáriler bazasyna, áskerı bólimder men mekemelerdi qaıta ornalastyrý oryndaryn tekserý júrgizildi.
Komıssııa quramyna kiretin ofıserler tyl qyzmetteriniń esebin júrgizý tártibi men eseptiliginiń jaı-kúıin, janar-jaǵar maıdy esepten shyǵarýdyń bolýy men zańdylyǵyn tekserdi. Bólimsheler basshylyǵyna taýarlyq-materıaldyq qundylyqtardy saqtaýdy jáne azyq-túlik qyzmetin uıymdastyrý máselelerinde praktıkalyq kómek kórsetildi.
Aıta ketý kerek, barlyq garnızondarda jylý jelilerin aǵymdaǵy jóndeý jumystary aıaqtaldy. Baqylaý ottyqtary jáne jylytý júıelerin gıdravlıkalyq syǵymdaý júrgizildi. Otyn tolyq kólemde jetkizildi.
Garnızondardyń 13 aýdandyq paıdalaný bóliminde jylytý kezeńi bastaldy. Ońtústik jáne batys óńirlerdiń APB jylytý maýsymyna daıyn. Jylý berý bes kún boıy ortasha táýliktik temperatýra +10 gradýsqa deıin jáne odan tómen túskennen keıin uıymdastyrylady.
Garnızondarǵa barý qorytyndysy boıynsha Qurlyq áskerleriniń, Áýe qorǵanysy kúshteriniń bas qolbasshylaryna, áskerı ınfraqurylym bas basqarmasynyń, bas áskerı-medısınalyq basqarmanyń bastyqtaryna, áskerı bólimderdiń komandırleri men aýdandyq paıdalaný bóliminiń bastyqtaryna aýmaqtardy odan ári abattandyrý, úı-jaılardy jóndeý jáne Qarýly kúshter obektileriniń ınfraqurylymyna qatysty basqa da máseleler boıynsha hattamalyq tapsyrmalar berildi.