Búgin fýtboldan Qazaqstan ulttyq quramasy Eýropa chempıonatyna irikteý týry aıasyndaǵy kezekti matchty ótkizedi. Mańyzdy tartysty Qazsport telearnasy tikeleı efırden kórsetedi, dep habarlaıdy Egemen.kz.
Syrt alańda Fınlıandııa quramasyna qarsy alańǵa shyǵatyn fýtbolshylar úshin búgingi tartysta jeńiske jetý asa mańyzdy. Ulttyq quramanyń bas bapkeri Magomed Adıev fın fýtbolshylaryna qarsy oıynda aıanbaý qajettigin aıtty. - Bizge zor senim artylyp, orasan jaýapkershilik júktelip otyr. Jigitter baryn salady dep senemin, - dedi M.Adıev. Fınlıandııa - Qazaqstan matchyn búgin túngi 21:50-den bastap Qazsport telearnasy tikeleı efırden kórsetedi.