Qaırat Boranbaevqa qatysty júrgizilip jatqan sotqa deıingi tergep-tekserý aıasynda ol óz erkimen tergeýmen yntymaqtasý nıeti týraly málimdegen, dep habarlaıdy Egemen.kz QR QMA baspasóz qyzmetine silteme jasap.
Boranbaevqa tıesili kompanııalar shetelden qaıtarylǵan qarajat esebinen Bilim berý ınfraqurylymyn qoldaý qoryna 66 mln AQSh dollaryn, ıaǵnı 30 mlrd teńgeden astam qarjy aýdardy.
Eske salaıyq, kógildir otyndy ákelý kezinde qarajat urlaý faktisi boıynsha júrgizilgen tergeý aıasynda Boranbaev 14,5 mlrd teńge kóleminde materıaldyq shyǵyn ótegen bolatyn. Bul qarajat qoldanystaǵy zańnamaǵa sáıkes bilim berý salasyn qoldaýǵa, mektepter men basqa da oqý oryndaryn salýǵa jáne qaıta jańartýǵa, sondaı-aq búkil respýblıka boıynsha áleýmettik salaǵa baǵyttalatyn bolady (QR Bıýdjet kodeksi 52-3 bap), - dedi QR QMA Resmı ókili Álibek Ábdilov.