Jelide Aqtóbe men Hromtaýdyń arasyna qatynaıtyn avtobýs beınelengen beınejazba tarady, dep habarlaıdy Egemen.kz.
Turǵyndardyń sózinshe, eki araǵa qatynaıtyn qoǵamdyq kólikter otyz jyldan beri jańartylmaǵan kórinedi. Al jelide shý týdyrǵan avtobýs «Kerýen» JShS-yna tıesili.
Aqtóbe oblysy ákimdigi jolaýshylar kóligi jáne avtomobıl joldary basqarmasynyń málimetinshe, óńirdegi aýdandarǵa 11 baǵyt boıynsha jolaýshylar tasymaly uıymdastyrylǵan. Aqtóbeden Hromtaý, Qobda, Mártók, Alǵa baǵyttary bar.
«Hromtaý baǵytynda qıyn jaǵdaı týyndap tur. Jaýapty «Kerýen» JShS-nyń avtobýstary eskirgen. Kelisimshart 2013 jyly jasalǵan. 10 jyl boldy. Al avtobýstary 90-shy jylǵy. Eski avtobýstar bolǵan soń ol shart talaptaryn oryndaı almaı otyr. Kúndelikti 10-12 reıs jasaý kerek bolsa, ol kúnine 3-6 reıs qana shyqqan. Sondyqtan bıyl tamyz aıynda «Qala trans» JShS shaqyrylyp, olar qosymsha 5 avtobýsty jelige shyǵardy. О́kinishke qaraı, jol nashar, avtobýstar da eski. Jıi-jıi jolda buzylyp qalady», dedi basqarmanyń bólim basshysy Esbol Bazarǵalıev.
Belgili bolǵandaı, «Qala trans» JShS-men taǵy qosymsha avtobýstar shyǵarýǵa kelisim jasalǵan. Ári jańa avtobýs bolmaǵanymen, jaǵdaıy jaqsy bolýy tıis dep talap qoıyldy.
Jaýapty basqarma ókili «Kerýen» JShS-ǵa tıesili avtobýstar 1989-1990 jyldary alynǵanyn atap ótti.
«Olarda 8 ǵana avtobýs bar. Vıdeony kórdik. Bul kúni «Volvo» avtobýsy shyqqan. Oǵan shara qoldanamyz», dedi oblystyq jolaýshylar kóligi jáne avtomobıl joldary basqarmasynan.