Memleket basshysy Qasym-Jomart Toqaev memlekettik nagradalar men syılyqtar tapsyrýǵa arnalǵan saltanatty rásimde elimizdiń basty meıramy Respýblıka kúnimen quttyqtap, el bolyp uıysýdaǵy basty qundylyqtardy atady, dep habarlaıdy Egemen.kz Aqordanyń baspasóz qyzmetine silteme jasap.
«Qazaqta «Egemen eldiń eńsesi bıik» degen sóz bar. Azattyqpen birge ulttyń rýhy kóterildi. Halqymyz kóptegen tabysqa jetti. Táýelsizdik jyldaryn bizdiń halqymyz abyroımen júrip ótken dara jol deýge bolady. Osy kezeńde biz qýatty ári jaýapty memleket retinde qalyptastyq, eldigimizdiń tuǵyryn nyǵaıttyq. Kók týymyz Birikken Ulttar Uıymynyń tórinde tur. Kórshi eldermen syndarly kelissóz júrgizip, shekaramyzdy birjola shegendedik. Sonyń arqasynda shynaıy dostyq shekarasy qalyptasty, sondaı-aq ulttyq qaýipsizdigimizdi qamtamasyz ettik. Memleketimizdiń jetistikterin qaperden shyǵarmaı, únemi aıtyp júrý kerek. О́ıtkeni, onyń bári – Qazaqstannyń shynaıy egemendiginiń jemisi», dedi Q.Toqaev.
Prezıdent táýelsizdik alǵan jyldar ishinde órleýmen qatar qateliktiń de bolǵanyn aıtty. Qazaqstannyń turaqty damýynda tejeý bolmas úshin ótkennen sabaq alyp, qorytyndy shyǵarý mańyzdy ekenin jetkizdi.