Qazgıdromettiń mamandary kúzdiń sońǵy aıy men kele jatqan qys mezgiliniń aýa raıy boljamyn usyndy, dep habarlaıdy Egemen.kz.
Qarashada jyly jáne aıazdy kúnder jıi aýysady, aı boıy jaýyn-shashyn túsip, ekpindi jel soǵady. Soltústik oblystarda keı kúnderi burqasyn bolýy múmkin, el aýmaǵynda kóktaıǵaq pen tuman bolady.
«Respýblıkanyń soltústik jartysynda, shyǵysynda jáne ortalyǵynda aıdyń ekinshi jartysynda qysqy aıazdy aýa raıy bolady.
Sýyq aýa massalarynyń enýimen eń sýyq kúnderdegi termometrler tómendeıdi:
respýblıkanyń soltústiginde túnde -20-27°S, kúndiz -8-13°S deıin;
ońtústik jartysy men ońtústik-batysynda túnde -3-12°S, kúndiz -1+5°S deıin», dep jazdy vedomstvodan.
Iran men Jerorta teńizi aımaqtarynan jyly aýa massalary kelgende aýa raıy jylynady:
respýblıkanyń ońtústik jartysynda kúndiz +8+17°S deıin;
soltústik jartysynda +3+10°S deıin.
Qazaqstannyń basym bóliginde aýa temperatýrasy normadan 1° shamasynda nemese odan joǵary, qıyr soltústiginde -1° tómen bolady.
Respýblıkanyń basym bóliginde jaýyn-shashyn mólsheri normaǵa jaqyn, respýblıkanyń ortalyq jáne shyǵys oblystarynda, sondaı-aq ońtústigi men ońtústik-shyǵysyndaǵy taýly jáne taý bókterindegi aımaqta normadan joǵary bolady. Qysta jaýyn-shashyn mólsheri normaǵa jýyq nemese odan joǵary jyly bolady. Sýyq kezeńde respýblıka aýmaǵyna Atlantıkalyq aımaqtardan jyly jáne ylǵaldy aýa massalary kiredi.
Aldaǵy qysta Qazaqstannyń barlyq aýmaǵynda aýa temperatýrasy klımattyq normadan basym 1-2° joǵary bolady. Tek jeltoqsanda Qazaqstannyń basym bóliginde aýa temperatýrasy klımattyq norma sheginde, al soltústigi men shyǵysynda normadan 1° tómen bolady.
Qańtar jáne aqpanda elimizdiń basym bóliginde jaýyn-shashyn normaǵa jaqyn nemese odan joǵary bolady, jeltoqsanda jaýyn-shashyn normaǵa jaqyn, respýblıkanyń soltústik jartysynda normadan tómen bolady.
Naýryzda Qazaqstanda aýanyń ortasha aılyq temperatýrasy normadan 2°S joǵary bolady dep boljanyp otyr. Elimizdiń basym bóliginde jaýyn-shashyn normadan joǵary bolady.