Erlan Bekmurzaevtyń basqa jumysqa aýysýyna baılanysty elorda ákiminiń jańa orynbasary taǵaıyndaldy. Prezıdent Ákimshiliginiń kelisimi boıynsha ákimniń orynbasary bolyp Prezıdent Ákimshiliginiń eks-memlekettik ınspektory Evgenıı Glotov taǵaıyndaldy, dep habarlaıdy Egemen.kz Astana ákimdiginiń resmı saıtyna silteme jasap.
Evgenıı Glotov eńbek jolyn «Qazaqstan jastar kongresi» ZTB-da bastady. Ár jyldary «Aýyl jastary odaǵy» QB, «GP group» JShS-da jumys istedi.
2015 jyldan bastap Soltústik Qazaqstan oblysy ákiminiń bas ınspektory qyzmetin atqardy. 2015 jyldyń qazan aıynan 2016 jyldyń qazan aıyna deıin Soltústik Qazaqstan oblysy ákimdiginiń kásipkerlik jáne týrızm basqarmasynyń basshysy bolyp jumys istedi.
2016 jylǵy qarashadan 2019 jylǵy sáýirge deıin Soltústik Qazaqstan oblysy Petropavl qalasy ákiminiń orynbasary laýazymynda eńbek etti.
Sońǵy jyldary Qazaqstan Respýblıkasy Prezıdenti Ákimshiliginiń Ishki saıasat bólimi meńgerýshisiniń orynbasary, Qazaqstan Respýblıkasy Prezıdenti Ákimshiliginiń memlekettik ınspektory qyzmetterin atqardy.