Kostenko atyndaǵy shahtada 38 adamnyń denesi tabyldy, 8 kenshini izdeý jalǵasyp jatyr, dep habarlaıdy Egemen.kz QR Tótenshe jaǵdaılar mınıstrliginiń baspasóz qyzmetine silteme jasap.
«Izdeý jumystaryn júrgizý qıraǵan shahta jabdyqtarynyń, sondaı-aq jekelegen jerlerde úıindilerdiń bolýymen qıyndap jatyr», delingen habarlamada.
Aqparattyq jáne psıhologııalyq qoldaý kórsetý úshin Qaraǵandyda (TJD 8-72.51.7212-23, ArselorMıttal Temirtaý 8-72.49.7212-70) jáne Astanada (8-41.70.7172-08) senim telefondary jumys isteıdi.
Aıta keteıik, 28 qazan kúni saǵat 2.33-te Qaraǵandy oblysyndaǵy «ArselorMıttal Temirtaý» kompanııasyna tıesili Kostenko shahtasynda jarylys boldy. Apat kezinde shahtada 252 adam bolǵan, 205 kenshi jer betine shyǵarylǵan.