Astanada Táýelsizdik kóshesi boıynda jańa kópir boı kóterdi. Endi ýchaskelerdegi keptelis aıtarlyqtaı azaıa túsedi, dep habarlaıdy Egemen.kz Astana ákimdiginiń resmı saıtyna silteme jasap.
Mysaly, Máńgilik El dańǵylynda kólik keptelisi 20%, Saraıshyq kóshesi men Uly Dala kópirinde 15% jeńildegen. Sondaı-aq Kereı-Jánibek handar, Ál-Farabı kósheleri jáne Uly Dala dańǵyly boıynsha trafık jandanyp tur.
Budan bólek, jańa kópir Almaty men Esil aýdandarynyń arasyn jalǵaıdy. Sondaı-aq joldardaǵy qozǵalysty edáýir jeńildetýge múmkindik beredi. Atap aıtqanda, sol jaǵalaýdy Táýelsizdik dańǵylymen, jańa temirjol vokzalymen, R.Qoshqarbaev dańǵylymen, J.Nájimedenov kóshesimen, Áziret Sultan meshitimen, A.Baıtursynov, Qordaı, Aınakól kóshelerimen, B.Momyshuly dańǵylymen jáne t.b. qosymsha baılanysty qamtamasyz etedi.
Esterińizge salaıyq, kópir segiz jolaqty, eki baǵytta tórt jolaqtan bar. Kópir búıirlerinde jaıaý júrginshiler aýmaqtary men velojoldar jasalǵan. Kógaldandyrý jumysy kóktemde aıaqtalady.