Memleket basshysy Boehringer Ingelheim France kompanııasynyń prezıdenti Krıstıan Vaızendi qabyldady. Kezdesý barysynda Qasym-Jomart Toqaev otandyq QazBioPharm holdıngi men Fransııanyń Boehringer Ingelheim kompanııasy arasynda tehnologııalardy berý týraly qol jetkizilgen kelisimniń mańyzdylyǵyn atap ótti, dep habarlaıdy Egemen.kz Aqordanyń baspasóz qyzmetine silteme jasap.
Bul Qazaqstanda aýsylǵa qarsy vaksına óndirisin jolǵa qoıýǵa múmkindik beredi. Memleket basshysynyń aıtýynsha, veterınarııa salasyn damytý azyq-túlik qaýipsizdigin qamtamasyz etýde erekshe ról atqarady.
Qazaqstan Prezıdenti elimizde bıotehnologııa klasterin qurý jumystary belsendi júrgizilip jatqanyn jáne osy saladaǵy otandyq ǵylymı saraptama jasaý isin damytý úshin QazBioPharm ulttyq bıofarmasevtıkalyq holdıngi qurylǵanyn aıtty.