Qyzylorda oblysyna qarasty Syrdarııa, Shıeli aýdandary ákimderin saılaý ótip jatyr. Osy oraıda syrdarııalyq 102 jastaǵy maıdanger Iаhııa Tasyrov alǵashqylardyń biri bolyp daýys berdi, dep jazady Egemen.kz.
Aýdan damýyna negiz bolar saıası naýqanǵa ár adam beı-jaı qaramaý qajettigin hám elge qyzmet etetin azamatty tańdaý mańyzdy sát ekenin aıtqan ardager óz tańdaýynan keıin batasyn berdi.
Atalǵan oblystyń saılaý komıssııasynyń málimetinshe Syrdarııada 22 myń 101, Shıelide 50 myń 402 saılaýshy tirkelgen. Daýys berý keshki saǵat 20.00-ge deıin jalǵasatyny málim.