Bokstan alǵash ret 23 qazan-3 qarasha kúnderi aralyǵynda Astana qalasynda jasóspirimder jáne jastar arasynda ótken Azııa chempıonaty máresine jetti. Qazaqstan boksshylary 9 altyn, 3 kúmis, 8 qola júlde aldy, dep habarlaıdy Egemen.kz boxingkazakhstan ınstagram arnasyna silteme jasap.
Jarys jeńimpazdary Halyqaralyq Boks Federasııasy tarapynan (1-oryn – 1000$, 2-oryn – 500$, 3-oryn – 250$) aqshalaı syıaqy aldy.
12 kún boıy ótken Azııa chempıonatynda arnaıy nomınasııalar boıynsha eń úzdik boksshylar belgili boldy: Eń úzdik jasóspirim qyz boksshy – Aıajan Sydyq (Qazaqstan) Eń úzdik jasóspirim ul boksshy – Fýjýkı Iýga (Japonııa) Eń úzdik jas qyz boksshy – Oltınoı Sotımboeva (О́zbekstan) Eń úzdik jas ul boksshy – Tórehan Sabyrhan (Qazaqstan) Eń úzdik tóreshiler – Marıf Ýrdeshev (О́zbekstan) jáne Marııa Kavaklıeva (Bolgarııa) Elorda tórinde ótken Azııa chempıonatynda jas boksshylarymyzǵa Sıdneı Olımpıadasynyń chempıony Ermahan Ibraımov, London Olımpıadasynyń chempıony Serik Sápıev, Rıo Olımpıadasynyń chempıony Danııar Eleýsinov, Olımpıadanyń 2 márte kúmis júldegeri Ádilbek Nııazymbetov, álem chempıony Mahmud Sabyrhan jáne t.b qoldaý bildirdi.