Mádenıet jáne aqparat mınıstri Aıda Balaeva Tashkent qalasyna jumys sapary sheńberinde О́zbekstannyń Mádenıet mınıstri Ozodbek Nazarbekovpen kezdesti, dep habarlaıdy Egemen.kz Ortalyq kommýnıkasııalar qyzmeti saıtyna silteme jasap.
Kezdesý barysynda Aıda Balaeva eki eldiń mádenıet salasyndaǵy ózara senim men seriktestiktiń joǵary deńgeıine toqtaldy.
Taraptar yntymaqtastyqty keńeıtý múmkindikterin talqylaı kele mınıstrlikter arasyndaǵy is-qımyldyń naqty qadamdary men tetikterin aıqyndaıtyn Jol kartasyn ázirleýge kelisti.
Qujatta kórsetiletin negizgi máseleler qatarynda eki memleket arasyndaǵy mádenı baılanysty nyǵaıtý, tájirıbe almasý, birlesken jobalardy júzege asyrý, is-sharalar uıymdastyrý arqyly mádenı murany baıytý jáne t.b. bar.
Kezdesý sońynda eki eldiń vedomstvo basshylary birlesken jumysty jalǵastyrýdyń mańyzdylyǵyna toqtaldy.