Panamadan jetken jeńis

World Robot Olympiad – búkil álem boıynsha robottehnıka men STEM bilim berý júıesin damytatyn jahandyq olımpıada. Dúnıejúzilik dodaǵa Qazaqstan komandasy bıyl besinshi ret qatysyp otyr. El quramasy WRO el chempıonatynyń qorytyndysy bo­ıynsha jasaqtalǵan. Elor­dadaǵy «Robotek» mektebiniń oqý­shylary Ámir Qarabaev pen Ańsar Saýyrbaev «Future Engineers» kategorııasy boıynsha WRO-2023 kúmis júldesin qan­jyǵalaryna baılady. Sondaı-aq Vagız Dısembaev pen Jan­arys Qaparov el qorjynyn qolamen tolyqtyrdy. Qyzylorda qala­syndaǵy Nazarbaev zııatkerlik mek­tebiniń oqýshylary Maksım Ýsolsev pen Dinmuhamed Ábdıev «Robomission» kategorııa­sy bo­ıyn­sha úshinshi oryn aldy.

«Bul meniń osyndaı halyq­aralyq jarysqa ekinshi kelýim. Osyǵan deıin Dortmýndta bolǵan saıysqa qatysqanmyn. Shynymdy aıtsam, bıyl ózimdi erkin ári senimdi ustadym. Jarystyń bi­rinshi kúni-aq jaqsy nátıje kórsettim. Jalpy, robottehnıkada eń bastysy logıka myqty bolýy kerek», deıdi  jeńimpaz Janarys Qaparov.

Panamada ótken jyldyń bas­ty jarysynda 81 el baq synady. Qatysýshylardy qoldaýǵa ótken jyly Dortmýndta WRO es­tafetasyn qabyldaǵan Pa­na­manyń birinshi hanymy Iаzmın Kolon Kartızo keldi. Qazaqstan jasaǵan stendte Iаzmın Kolon Kartızo bizdiń jigitterge sáttilik tilegen de bolatyn. Dúnıejúzilik ro­bottehnıka olımpıadasynyń j­a­handyq kún tártibi adam men robot yntymaqtastyǵyn ta­bys­­ty jáne qaýipsiz etý máse­le­sine arnalǵan. WRO-nyń ne­gizgi taqyryptary dástúrli túr­de BUU-nyń turaqty damý maq­sattarymen baılanysty. 2023 jylǵa arnalǵan taqyryp álem el­derine ortaq – «Connecting the World», «Álemdi baılanystyramyz». Komandalar sıfrlyq ındýs­trııa úshin ınfraqurylym men logıstıkany jasaıtyn robottarmen jumys istedi.

«Álemniń túkpir-túkpirinen kelgen oqýshylardyń talaby bıik, yntasy joǵary. El moıyndaǵan zerek balalar jarysqa bar kúsh-jigerin salyp keldi. Bir maq­sat jolynda, jeńis úshin kelgen ba­lalardyń talaby kóńil kónshitedi», deıdi Qazaqstan qura­masynyń bapkeri Mıras Murathanov.

Úsh kún boıy World Robot Olympiad álemdik fına­lyn­da otan­dyq qultemir qurastyrý­shylar biregeı shyǵarmashylyq, ınjenerlik sheshimder men je­ńiske degen senimdiligimen kóz­ge tústi. Jalpy esep­te Qazaqstan quramasy Ma­laızııa quramasyna ǵana ese jiberip, ekinshi orynǵa kóterildi. Aıta keteıik, Qazaqstan týynyń baı­raqty básekede úsh ret jel­bireýi sıfrlandyrý jáne aqpa­rattyq tehnologııalar kúnine sáı­kes kelgen bolatyn.

Panamada ótken Búkilálemdik robottehnıka olımpıadasy aıa­synda elordalyq «Robotek» kom­­panııasy Amerıka Qurama Shtat­tary, Qytaı men Ázerbaı­jan­nyń tanymal robottehnıka mektepteri, klýbtary­men yntymaqtastyq týraly me­mo­randýmdarǵa qol qoıdy. «Al­daǵy ýaqytta Qazaqstanmen bir­lesip jumys isteýge nıettimiz. Sebebi qazaq oqýshylary óte ta­lantty. Búgingi jarysta bizdi tán­ti etti», dedi uıymdastyrýshy Ýılıam Ýong.

World Robot Olympiad bas hat­shysy Klaýs Krıstensen «Ro­botek» mektebiniń eldegi WRO, STEM bilim berý jáne robot­tehnıkanyń jahandyq mıssııasyn ilgeriletý boıynsha aýqymdy jobalaryn joǵary baǵalady. Klaýs Krıstensen ınformatıka mu­ǵalimderi men mektep oqýshy­laryn oqytýǵa jáne robot­teh­nıkaǵa qyzyǵýshylyqty art­tyrýǵa arnalǵan tanymal «Ozyq Urpaq» jobasyn erekshe atap ótti.

Robottehnıka – zııatkerlik avtomattandyrylǵan tehnıkalyq júıelerdi ázirleıtin, ony ón­diriske engizetin qoldanbaly ǵylym. Bul ǵylymdy damytý eldi sıfrlandyrýdy jedeldetedi.